ياضنايا..
بقلم سيد جعيتم
يا ضنايا
مستنياك تحررني
وتصون عرضي
بعد ما عروني الملاعين
سرقوا توبي
ونهبوا ارضي
ونبشوا قبور الميتين
كبرت كروش السكرانين
من سنين نسيوا القضية
واكتفوا بهتاف الحناجر
والخطب فوق المنابر
مستنياك
تزرع شجرة
تزهر في الطين
وتطرح طحين
تنفض عني التراب
وسنين العذاب
يابن بطني
شقشق خلاص
نور النهار
واتولد في كل دار
الف صلاح الدين
بقلم سيد جعيتم
جمهورية مصر العربية
