کعبة
نص الشاعرة العراقية
: أ . وفاء عبد الرزاق
دَمّْ؟
مُوشْ دَمّْ
دَمّْ؟
مُوشْ دَمّْ
دَمّْ؟
گتلك مُوش دَمّْ
هذا
فياي ظلَّه
وشَرْبَتْ
المبَسمْ
دَمّْ؟
گتلكْ مُوش دَمّْ
هذا
سُبحانْ الحچي
وعيون
تتكلَّمْ
تِعَلمْ
سيوفنا عْلى الصبر والهَمّْ
هُمَّا
جروح ما تِلتَمْ ولا تِندَمْ
رضْعَت
مِن شمِسْ
وتگمَّطتْ
بالضَيّْ
حلمهم
بالنجم وطيوفهم فَيّْ
تِلَبْسَه
عنادْ
وتوَكّلْ
يتيمْ الحَيّْ
تِعلمَه
شلون يتنجَّمْ
گتلكْ
مُوش دَمّْ
لا تعزّي
بجْروحي ولا تِظنْ تِلحَمْ
ما أنصبْ
عزاهم إلاَّ يوم الثَّارْ
أنصبْ
بالگمر صَيوانْ وأتحزَّمْ
ساعَتْها
أگلَّكْ دَمّْ
كريم
برگبتَه تكرَّمْ
شهگ
لله وغيَّر الإحرامْ
كعْبتنَه
الجديدة
وماينا
الزمزمْ.